“Реал” қўрқиб қолди

“Реал” раҳбарияти ёзда бир неча йирик трансферларни амалга оширишни режалаштирмоқда. Хусусан, “Қироллик клуби” норвегиялик ҳужумчи Эрлинг Холандни ҳам Мадридга олиб келмоқчи.

Маълумотларга қараганда, “Боруссия” тўпурари учун курашга молиявий жиҳатдан анча қудратли бўлган “Челси”нинг қўшилиши “Реал” раҳбариятини чўчитмоқда. Бу бежиз эмас албатта. Дортмундликлар Роман Абрамович клубига Холанд трансфери бўйича музокаралар имтиёз беришини маълум қилган.

“Боруссия” раҳбарияти Холанд трансфери доирасида Германия терма жамоасининг энг салоҳиятли футболчиларидан бири Кай Хаверцни қўлга киритишни мўлжаллаяпти. Дортмундликлар Холанд учун маълум миқдорда пул ва Кай Хаверцни беришни талаб қилади.

Қоалверса, “Реал”да айни пайтда “Боруссия”ни қизиқтирадиган бирорта футболчи йўқ. “Қироллик клуби”да ўта қимматбаҳо ҳужумчилар тоифасига кирадиган Холанд учун катта миқдорда харажат қилиш имкони ҳам чекланган.