“Реал” машҳур футболчи кетганини эълон қилди

“Реал” расмий сайти жамоанинг  машҳур ўйинчиларидан бири – марказий ҳимоячи Хесус Вальехо клубни тарк этганини эълон қилди.

Қизиғи шундаки, Вальехо “Реал”даги ўйинлари билан эмас, балки узоқ йиллар давомида захирада қолиб кетгани билан ном чиқарган.

“Қироллик клуби” буимоячи 2015 йили “Сарагоса”дан 5 миллион еврога трансфер қилган. Вальехо ўн йил давомида асосий таркибга кира олмади. Бу муддат ичида у барча турнирларда бор йўғи 35 маротаба майдонга тушди, ўз ҳисобига биттадан гол ва ассист ёздириб қўйди.

Вальехо орада “Сарагоса”, “Айнтрахт”, “Вулверхэмптон” ва “Гранада” каби жамоаларда ижарада ўйнаб келгани ҳам фаолиятида ижобий бурилиш ясай олмади.

- “Реал” Хесус Вальехога профессионаллиги ва ишга бўлган садоқати учун миннатдорлик билдиради. Унга ва оиласига ҳаётининг кейинги босқичида муваффақият тилайди, - дейилади клубнинг расмий баёнотида.

“Реал” ўйинларида фаол қатнашмаган бўлса-да, Хесус Вальехо Испания чемпионати ғолиби ва Европа Чемпионлар лигасининг икки карра чемпиони ҳисобланади.