“Реал” кутилмаганда бир юлдуздан воз кечди

“Реал” мутасаддилари яқингача жамоа ўйинида муҳим аҳамиятга эга бўлган Браим Диас келажаги бўйич кутилмаган қарорга келди.

Клуб хўжайинларини марокашлик футболчининг кейинги пайтдаги ўйини умуман қониқтирмай қўйган. Улар 25 ёшли ярим ҳимоячи юқори даражадаги спорт формасини ушлаб қололмаганини рўкач қиляпти.

Журналист Санти Ортегонинг маълум қилишича, “Реал” мураббийлар штаби бундан буён Браим Диас ўрнига ёш истеъдод Арда Гюлер хизматидан фойдаланмоқчи. Турк футболчиси ўзига берилган вақт ичида мураббийлар ишончини оқлай олгани айтилмоқда.

Браим Диаснинг амалдаги шартномаси 2027 йилнинг ярмигача давом этади. Унинг ўзи вазият мураккаб эканига қарамай, “Реал”дан  кетмоқчи эмас ва асосий таркибга кириш учун ҳар қандай рақобатга тайёр.