“Реал” катта трансфер бўйича “махфий” иш олиб боряпти

“Реал” раҳбарияти ёши ўтиб бораётган Лука Модрич ўрнига муносиб номзод топиб қўйди. Гарчи 39 ёшли ярим ҳимоячи ҳали футболдан кетишни ўйламаётган бўлса-да, “Қироллик клуби” унинг ўрнини боса оладиган футболчи олиш ҳаракатини бошлаб юборган.

AS нашрининг ёзишича, мадридликлар “Байер”нинг 21 ёшли етакчиси Флориан Вирцни танлаган. Айни пайтда немис футболчисини қўлга киритиш учун мадридликлар “махфий” иш олиб бораётгани айтилмоқда.

Флоран Вирцнинг леверкузенликлар билан шартномаси 2027 йилгача давом этиши белгиланган. Иқтидорли футболчи “Байер” сафида 2020 йилдан бери тўп тепмоқда.

Ўтган мавсумда Вирц ўз ўйинлари билан жамоасининг тарихда илк бор Бундеслига чемпиони бўлишини таъминлади.

Transfermarkt портали экспертлари немис футболининг энг ёрқин истеъдодларидан бири ҳисобланган ҳужумкор футболчини 130 миллион еврога баҳоламоқда.