"Реал" футболчиси Мессидан ўрнак олишини тан олди

Мавсумни "Мальорка" сафида ижарада ўтказаётган "Реал" ярим ҳимоячиси Такефуса Кубо "Барселона" форварди Лионель Месси ҳақида гапириб ўтди.

Таъкидлаш керакки, Кубо 2011-2015 йилларда “Барселона” академиясида тарбияланган.

“Биз у билан шахсан таниш эмасмиз, аммо у профессионал футболчи бўлишни истаган ёшлар учун андоза ҳисобланади. Болалигимда унинг кўплаб видеоларини кўрганман. У ажойиб футболчи.

Месси мен каби паст бўйли, техника, дриблинг ва тўп назоратига асосланган футболчилар учун ўрнак ҳисобланади. Месси - буларнинг чўққиси”, - дейди япониялик футболчи.

Кубо жорий мавсум “Мальорка” сафида 25 та ўйинда майдонга тушди ва ўз ҳисобига 3 та гол ҳамда 3 та голли узатма ёздириб қўйишга эришди.