“Реал” Чемпионлар лигасидан чиқиб кетиши мумкин

Европа Чемпионлар лигаси умумий  босқичининг бешинчи турида “Реал” сафарда “Ливерпуль”дан 2:0 ҳисобида мағлубиятга учради.

Айни пайтда мусобақанинг амалдаги ғолиби бўлган мадридликлар олти очко билан 24-ўринда бормоқда.

Янги форматда ўтказилаётган мусобақада, қоидага кўра, саккизинчи турдан кейин жадвалда 25-ўрин ва ундан қуйида жойлашган жамоалар бош соврин учун курашни тўхтатади. Шу боис, айни пайтда “Реал”нинг аҳволига ҳавас қилиб бўлмайди.

Олдинда “Аталанта”, “Ред Булл Зальцбург” ва “Брест”га бўладиган уч учрашув “Қироллик клуби”га муҳим ҳисобланади, Карло Анчелотти шогирдлари бу ўйинларда плей-офф йўлланмаси учун курашиш имкониятини сақлаб қолишга ҳаракат қилади.