Расман! "Рома" Смоллингни сотиб олди

"Рома" ижарада юрган "Манчестер Юнайтед" ҳимоячиси Крис Смоллингнинг трансферини тўлиқ сотиб олди. Бу ҳақда клуб расмий сайти хабар тарқатмоқда.

30 ёшли футболчининг трансфери “бўрилар”га 15 миллион еврога тушгани айтилмоқда. Унинг ўзи эса Рим клуби билан 2023 йилгача шартнома имзолаган.

Смоллинг ўтган мавсумни "Рома" сафида ижарада ўтказган ва 37 та ўйинда майдонга тушиб, 3 та гол ҳамда 2 та голли узатмага муаллифлик қилди. У Англия терма жамоасида 31 та ўйинда майдонга тушиб, 1 та гол урган.