Расман! МЮ бу ҳужумчи билан хайрлашганини эълон қилди

“Манчестер Юнайтед” клуби матбуот хизмати уругвайлик ҳужумчи Эдинсон Каванининг жамоани тарк этгани ҳақида маълум қилди.

Футболчининг инглиз клуби билан шартномаси шу ёзда тугайди ва томонлар ушбу келишувни узайтирмасликка қарор қилишган. Шу тариқа, Кавани эркин агентга айланади ва бошқа клубга текинга ўтиши мумкин.

35 ёшли футболчи "Манчестер Юнайтед"да 2020 йилдан буён тўп суриб келаётган эди. У ўтган давр мобайнида манкунианликлар сафида жами 59 та ўйин ўтказиб, 19 та гол урди ва 7 та голли узатмани амалга оширди.