"Қизилқум" 3:0 ҳисобидаги мағлубиятдан қутулиб кетди

Навоийнинг “Қизилқум” клуби бугун “Арал”га қарши назорат учрашувида иштирок этди.

Беллашувда 6 та гол урилди ва жуда қизиқарли тарзда кечди.

Про лига вакили Суперлига жамоасига қарши стартни ажойиб бошлади. Айниқса, биринчи бўлимда нукусликлар жавобсиз учта гол уришнинг уддасидан чиқдилар.

Аммо иккинчи бўлимда ўйинга қайта олган “Қизилқум” камбэк амалга оширган ҳолда 3:0 ни 3:3 га айлантиришга муваффақ бўлди.

Голлар: Б.Ахмаджонов, 1:0. З.Қуванишбаев, 2:0 Д.Исмоилов, 3:0. Ж.Жигаури, 3:1. Д.Раҳматиллоев, 3:2. Ш.Туропов,  3:3.