Pele futbol taxtiga voris paydo bo‘lganini e’lon qildi

Jahon futboli qiroli, deb ta’riflanadigan Pele kelajakda uning o‘rnini “Pari Sen-Jermen” hujumchisi Kilian Mbappe egallashini taxmin qildi.

- Mbappe mening vorisim bo‘la oladi va men buni jiddiy aytyapman. Tezkorlikka asoslangan o‘yini ko‘p narsadan dalolat bermoqda. U tez o‘ylab, tez qaror qabul qiladigan hujumchi. Unga to‘p kelishi bilan nima qilishni, qanday o‘ynashni, qaychi tomonga harakat qilsa yaxshi natija chiqishini biladi. Zamonaviy futbolda bu juda qadrlanadigan xususiyat, - dedi Pele.

Mbappe 2017 yildan beri PSJ tarkibida to‘p tepmoqda. 22 yoshli hujumchi joriy mavsumda milliy chempionatda 23 ta uchrashuvda 18 ta gol urdi va oltita golli pas oshirdi. Evropa chempionlar ligasida esa, oltita o‘yinda beshta gol va uchta assist muallifi bo‘ldi.