"Пахтакор" ОЧЛ гуруҳ босқич ўйинларини қайси шаҳарда ўтказиши маълум бўлди

Осиё футбол конфедерацияси Чемпионлар Лигаси гуруҳ босқичи бўлиб ўтадиган шаҳарлар номини маълум қилди.

Унга кўра, "Пахтакор" ўрин олган "В" гуруҳи ўйинлари БААнинг Шаржа амирлигида ўтказилади. Беллашувлар 14-29 апрель кунлари бўлиб ўтади. "Шерлар" гуруҳ босқичини Эроннинг "Трактор" клубига қарши ўйин билан бошлайди. Иккинчи турда плей-офф ғолиби билан тўқнаш келади. Кейин эса "Шаржа" билан учрашув бўлиб ўтади. Тақвим билан танишиб олинг.

1-тур, 14 апрель
"Пахтакор" - "Трактор"

2-тур, 17 апрель
Плей-офф ғолиби - "Пахтакор"

3-тур, 20 апрель
"Шаржа" - "Пахтакор"

4-тур, 23 апрель
"Пахтакор" - "Шаржа"

5-тур, 26 апрель
"Трактор" - "Пахтакор"

6-тур, 29 апрель
"Пахтакор" - плей-офф ғолиби

Эслатиб ўтамиз, ушбу гуруҳ ўйинларига мезбонлик қиладиган Шаржа шаҳрининг "Шаржа" клуби сафида ҳамюртимиз Отабек Шукуров ҳаракат қилади.