Parijliklar qimmat taklifni qaytib oldi

PSJ rahbariyati “Manchester Siti” hujumkor futbolchisi Bernardu Silvani o‘z safiga qo‘shib olishga harakat qilayotgan edi.

Klub mutasaddilar portugaliyalik o‘yinchini qo‘yib yuborish uchun “Manchester Siti”ga 80 million evro taklif qilgandi. Tabiiyki, “shaharliklar” dastlabki taklifni qabul qilmadi.

Endi PSJ xo‘jayinlarining rejasi o‘zgardi. Ular Bernarduni transfer qilish fikridan qaytdi.

Silva o‘zini yangi loyihalarda sinab ko‘rishni istamoqda.Uning olida boshqa variant – “Barselona” ham bor.

Kataloniya jamoasi bosh murabbiyi Xavi Ernandes ham Bernardu Silvani olishga qiziqmoqda. Biroq, “Barselona” keyingi yillarda qimmat transferlarga katta pul sarflamayapti. Shu bois, Silvani olish masalasi hali ochiq turibdi.