O‘zbekiston milliy terma jamoasi Xitoyga yo‘l oldi (foto)

Ektor Kuper boshchiligidagi delegatsiyamiz a’zolari bugun Toshkent vaqti bilan soat 21:30da Toshkent - Pekin - Nanning yo‘nalishi bo‘ylab Xitoyga yo‘l oldi. Bu haqda O‘FA rasmiy sayti xabar bermoqda.

Eslatib o‘tamiz, "China Cup-2019" xalqaro musobaqasida O‘zbekiston, Urugvay, Xitoy va Tayland terma jamoalari kuch sinashadi. O‘zbekiston musobaqani 22 mart kuni Urugvay terma jamoasiga qarshi o‘yin bilan boshlaydi.

Xitoy esa  21 mart kuni Tayland bilan kuch sinashadi. Yarim finalda g‘olib chiqqan jamoalar 25 mart kuni finalda o‘zaro to‘qnash kelishadi. Shuningdek, yarim finalda mag‘lubiyatga uchragan jamoalar 25 mart kuni 3-o‘rin uchun bahsda maydonga tushishadi.