Ўзбекистон кубоги ярим финалига қачон қуръа ташланади? Жараён жонли эфирда намойиш этилади

12 декабрь куни Ўзбекистон  кубоги чорак финал баҳслари ўтказилади.

Чорак финалнинг дастлабки икки ўйини соат 13:00да, кейинги иккита ўйин соат 16:00да бошланиши режалаштирилган.

ЎзПФЛ ҳамда “Спорт-ТВ” ўзаро келишиб, ярим финал учун қуръа ташлаш маросимини сўнгги икки ўйин якунига етиши билан ўтказишга қарор қилди. Қуръа ташлаш маросими охирги учрашувлар тугаши билан “Спорт-ТВ” орқали жонли намойиш этилади. Бу ҳақда ПФЛ матбуот хизмати хабар берди.

Қуръа аввалги содда форматда ўтади. Бунда саватчадан биринчи олинган клуб ярим финални ўз майдонида ўтказади, кейинги жамоа эса ўз-ўзидан унинг рақибига айланади.