Оливер Гласнер: "Ўйин бошида гўё ҳали меҳмонхонадамиздек туюлди, лекин кейин жуда яхши ўйнадик”

Англия Лига кубоги 1/8 финалида "Кристал Пэлас" сафарда "Ливерпуль"ни 3:0 ҳисобида мағлуб этди. Учрашувдан сўнг жамоа бош мураббийи Оливер Гласнер ғалаба ҳақида фикр билдирди:

"Бу яхши ғалаба бўлди. Ўйинга киришиш учун бизга 15 дақиқа керак бўлди, шундан кейин яхши ҳаракат қилдик, чиройли голлар урдик ва ўйинни назорат қилдик.

Биламан, ҳар уч ойда кетма-кет уч марта чемпионга қарши ўйнаб, учала сафар ҳам ғалаба қозониш осон эмас. Шунинг учун футболчиларимни алоҳида таъкидлаб ўтиш керак.

Биз "Ливерпуль" қандай таркиб билан тушишини билмасдик. Улар Робертсон, Эндо, Керкез ва Жаҳон чемпиони Мак Аллистерни майдонга туширишди. Шунингдек, ёшлар ҳам бор эди — масалан, Рио Нгумоа яна бир бор гол уриш қобилиятини кўрсатди.

Биринчи 15 дақиқа анча суст ўйнадик, гўё ҳали меҳмонхонадамиздек ҳис қилдик. Кейин эса ўйинга тўлиқ кирдик, чиройли голлар урдик. Бу яхши ўйин бўлди, аммо энг зўри эмас", — деди "Кристал Пэлас" бош мураббийи Оливер Гласнер