"Олимпик" ва "Бунёдкор"нинг ўзаро ўйинларида фақат бир хил ҳисоб кузатилмоқда

23 ноябрь куни Суперлиганинг 25-турида “Олимпик” ва “Бунёдкор ўртасида Тошкент дербиси бор. Бу клубларнинг Суперлигадаги учрашувлар тарихига ҳали кўп бўлгани йўқ. Илк тўқнашув 2022 йилда бўлиб ўтган.

Рости, “Олимпик” ҳамда “Бунёдкор” жамоалари иштирокидаги учрашувлар тарихида қизиқ статистика қайд этилмоқда. Боиси, ушбу клублар шу пайтгача Суперлигада 5 маротаба тўқнаш келишган. Жамоаларнинг илк ўйинида “Бунёдкор” ўз уйида “Олимпик”га 1:5 ҳисобида енгилган. Шундан кейин қаторасига 4 та беллашувда фақат 1:1 ҳисоби қайд этилмоқда. Тўплар нисбати 9\5 табиийки “Олимпик” фойдасига.

Хўш, навбатдаги 6-тўқнашувида ҳам яна 1:1 натижасини кўрамизми?