“Ньюкасл” Рангникни доғда қолдирмоқчи

“Ньюкасл” мутасаддилари “Манчестер Юнайтед” бош мураббийи Ральф Рангник кўзлаб юрган футболчини ўз сафига қўшиб олиш учун ҳаракатни бошлади.

Манчестерлик скаутлар бош мураббий топшириғига кўра, “Лейпциг” сафида ўйнаётган ярим ҳимоячи Амаду Айдарани кузатиб юрган эди. Рангник 23 ёшли ярим ҳимоячини Манчестерга таклиф қилмоқчи ва бу трансфер учун Бундеслига вакилига 33 миллион фунт тўлашни мўлжалламоқда.

“Ньюкасл” эса, саудиялик инвесторлар ёрдамида каттароқ сумма тикишга тайёр.

Айдара жорий мавсумда Германия чемпионати доирасида 13 та учрашувда иштирок этиб, рақиблар дарвозасини икки бор ишғол қилди.