"Ньюкасл" "Челси"нинг уч футболчисини сотиб олмоқчи

"Ньюкасл" жамоаси "Челси"нинг 3 нафар ярим ҳимоячисига қизиқиш билдирмоқда. "The Telegraph" нашри хабарига кўра, "янги қаср эгалари" лондонликлар футболчилари Коннор Галлагер, Рубен Лофтус-Чик ва Хаким Зиешни сотиб олиш имкониятини кўриб чиқмоқда.

"Аристократлар" бош мураббийи Грэм Поттер дастлабки икки футболчини йўқотишни истамайди. Аммо Зиешни қўйиб юборишга тайёр.

29 ёшли футболчи жорий мавсумда АПЛда 9 та ўйинда майдонга тушиб, битта голли узатмани амалга оширди.

Эслатиб ўтамиз, марокашлик ярим ҳимоячининг амалдаги шартномаси 2025 йилнинг ёзида якунланади. "Transfermarkt" портали футболчини 20 миллион еврога баҳоламоқда.