Неймар мухлис билан жанжаллашганинг сабабини тушунтирди: "Мени ҳақорат қилишга ҳеч кимнинг ҳаққи йўқ"

Бразилия чемпионати 16-туридан ўрин олган ўйинда "Сантос" ўз майдонида "Интернасьонал"га 1:2 ҳисобида мағлуб бўлди. Учрашувдан сўнг Неймар мухлислар томон йўл олиб, трибунадаги томошабинлардан бири билан тортишиб қолди.

Ушбу вазиятга ойдинлик киритган Неймар бундай деди:

"Ҳис-туйғулар авжида ўзини тийиш жуда қийин, айниқса, агар сизни ноинсофона ҳақорат қилишса... Мен ҳеч қачон мухлис билан баҳслашмайман, агар у майдондаги ўйиним учун танқид қилса – бу унинг ҳаққи. Йўқ, яхши ўйнадимми ёки йўқ, ҳатто мослашишимга тўсқинлик қилса ҳам. Аммо у мени шундай ҳақорат қилди – буни кечира олмайман…

Мени ва отамни "ёлланмачи" деб аташ, оилам ва дўстларим ҳақида ёмон гаплар айтиш... Кечирасиз, лекин бундай пайтда ўзимни тийишим осон эмас! (Ҳар қанча тушунсам ҳам, керак бўлса, ўзимни ушлашим лозим).

Мен "Сантос"га қайтдим, клубга ёрдам бериш учун – ҳам майдонда, ҳам унинг ташқарисида. Агар бир кун келиб мухлислар мен клубга фойда эмас, зарар келтираётганимга ишонса, мен ўзим жамоадан биринчи бўлиб кетаман!

"Сантос" – менинг энг катта муҳаббатларимдан бири. Қачонгачаки кучим етса, клуб учун боримни бераман – югураман, курашаман, бақираман ва ҳатто керак бўлса, жанг ҳам қиламан. Фақат "Сантос" ўз ўрнига қайтсин!" - дея таъриф бериб ўтди бразилиялик ҳужумчи.