"Нефтчи"нинг кутилган ўйини бўлмайди

"Нефтчи" жамоаси пойтахтдаги тайёргарлик жараёни давомида 27 февраль куни "Локомотив" клуби билан охирги назорат ўйинида майдонга тушиши белгиланган эди.

Клуб матбуот хизматининг маълум қилишича, ушбу баҳс ҳар иккала томонларнинг келишувига асосан бекор қилинди ва эртага Про лиганинг янги вакили "Янгиер" жамоаси билан назорат баҳси олиб борилади.

"Нефтчи" - "Янгиер" ўйини 27 февраль куни "Чиғатой" қароргоҳи стадионида бўлиб ўтади. Учрашув соат 14:00да бошланади.