"Наполи" Ла Лига грандлари қизиқаётган футболчисининг товон пулини оширмоқчи

“Наполи” клуби раҳбарияти жамоа ярим ҳимоячиси Фабиан Руисга янги шартнома таклиф қилмоқчи ва унинг товон пулини120 миллион еврога ошириб қўймоқчи.

Corriere dello Sport нашрининг хабар беришича томонлар ҳозирда янги шартноманинг муддати ва маош масаласини муҳокама қилишмоқда. Таъкидлаш керакки, Руиснинг неаполликлар билан амалдаги шартномаси 2023 йилнинг ёзигача имзоланган ва у ҳозирда йилига 2 млн евро маош олмоқда.

Эслатиб ўтамиз, бундан аввалроқ Руисга “Реал” ва “Барселона” клубларидан қизиқишлар пайдо бўлгани ҳақида хабарлар тарқалган эди.