Namozov va Qosimov sohil futboli bo‘yicha Osiyo Kubogida ishlashadi

Ikki nafar hamyurtimiz - Baxtiyor Namozov va Nayim Qosimov sohil futboli bo‘yicha Osiyo kubogiga tayinlov oldi.

Joriy yilning 20–30 mart kunlari Tailandning Pattaya shahrida sohil futboli bo‘yicha Osiyo Kubogi o‘tkaziladi.

Ahamiyatli tomoni shundaki, ushbu turnirda hakamlik qilish uchun o‘zbekistonlik FIFA referisi Nayim Qosimov ham taklif oldi.

Shuningdek, Baxtiyor Namozov instruktor sifatida ish olib boradi.

Hamyurtlarimizga Osiyo kubogi bahslarida omad tilab qolamiz, - deyiladi O‘zbekiston futbol hakamlar markazi matbuot xizmati xabarida.