МЮ ярим ҳимоячисига "Бавария" ва АПЛ клублари қизиқиш билдирмоқда

"Манчестер Юнайтед" ярим ҳимоячиси Кобби Майну жамоани тарк этиши мумкин. Бу ҳақда "The Athletic" нашри хабар бермоқда.

Манба маълумотларига кўра, шартномаси 2 йилдан сўнг тугайдиган 20 ёшли футболчига Англия Премьер-лигасининг 2 та клуби ва Германиянинг "Бавария" жамоаси қизиқиш билдирмоқда. Гарчи жамоа бош мураббийи Рубен Аморим аввалроқ бунинг аксини таъкидлаган бўлса-да, футболчи унинг режаларига кирмаяпти.

2023 йилда МЮ асосий таркибида дебют қилган хавбекнинг трансфер нархи 50 миллион еврони ташкил этади. Ўтган мавсумда у 37 та ўйинда иштирок этиб, 2 та гол урди ва 1 та голли узатмани амалга оширди. Кобби Майну Англия миллий терма жамоаси сафида 10 та ўйин ўтказган.