МЮ “Реал” юлдузини қўлга киритиш учун пулни аямоқчи эмас

"Манчестер Юнайтед" ёзги трансфер ойнасида жамоа таркибини янгилашни режалаштирмоқда. "TodoFichajes" нашрининг ёзишича, "қизил иблислар"нинг асосий нишони — "Реал" ҳужумчиси Родриго.

Манбага кўра, "Манчестер Юнайтед" Родригога 150 миллион евро миқдорида таклиф тайёрламоқда. Клуб бразилиялик футболчига "Реал"дан кўра юқорироқ маош таклиф этишга тайёр.

Шунингдек, 24 ёшли Родригога Англиянинг бошқа грандлари — "Ливерпуль" ва "Манчестер Сити" ҳам қизиқиш билдирмоқда. Бундан ташқари, бразилиялик форвард Саудия Арабистонининг "Ал-Ҳилол" клубининг нишонида турибди.

Сўнги хабарларга кўра, "қироллик клуби" Родригони сотишга қарши эмас.