МЮ муҳим футболчиси билан шартномани узайтиради

Харри Магуайр ва "Манчестер Юнайтед" янги шартнома имзолаши мумкин. Бу ҳақда "Daily Mail" нашри хабар берди.

Ҳафтасига 190 минг фунт стерлинг маош оладиган футболчининг амалдаги шартномаси олти ойдан сўнг ўз кучини йўқотади. Бироқ, клуб шартномани узайтириш имкониятига эга

- Ҳозирги пайтда барчаси ижобий давом этмоқда. Самарали мулоқот олиб бориляпти, - деди Магуайр.

Маълумот учун, жорий мавсумда инглиз футболчиси АПЛда 9 та ўйин ўтказди. У 2019 йилдан буён "Манчестер Юнайтед" сафида тўп тепиб келмоқда.