МЮ Фернандешнинг трансферини тасдиқлади!

"Спортинг" ярим ҳимоячиси Бруну Фернандеш "Манчестер Юнайтед" футболчисига айланди.

Инглиз клуби 25 ёшли футболчининг трансферини тасдиқлади.

Португалиялик пайшанба куни тиббий кўрикдан ўтади ва МЮ билан битимга имзо чекади.

Аввалроқ, Фернандеш 2025 йилгача шартнома тузиши ва йилига 6 млн евро маош олиши маълум қилинганди.

"Манчестер Юнайтед" футболчи учун 55 млн евро ва қўшимча бонус сифатида 25 млн евро тўлаши ҳақида ҳам маълумот берилганди.