Мужибулло Турсуновнинг ҳам “IBA чемпионлар оқшоми"даги рақиби маълум бўлди!

Хабарингиз бор, 14 апрель куни Тошкентда катта бокс оқшоми бўлиб ўтади.  “IBA чемпионлар оқшоми”нинг марказий жангида Ҳасанбой Дўсматов испаниялик Самуэль Кармонага қарши жанг қилади. Шунингдек, Ўзбекистон терма жамоаси, Жаҳон терма жамоасига қарши рингга кўтарилади.
Ҳозирга келиб, боксчиларимизнинг рақибларига ойдинлик киритилмоқда. Жумладан, Мужибулло Турсунов ҳам ушбу кечада рингга кўтарилади. Боксчимизнинг бизга маълум қилишича унга танзаниялик Жума Чоки (8-0-1,3 КО) рақиблик қиладиган бўлди.
Қолган боксчиларимизнинг рақибларини ҳам тез орада эътиборингизга ҳавола этамиз. Воқеалар ривожини бизда кузатиб боринг!