Муҳаммад Салоҳ, гол уришни мана шу футболчидан ўрган!

Португалия чемпионатининг 31-турида “Спортинг”нинг ҳужумчиси Виктор Дьёкереш “Боавишта” дарвозасига тўртта гол уриб, жамоасининг 5:0 ҳисобидаги ғалабасига катта ҳисса қўшди.

Швециялик форвард покердан кейин “Олтин бутса” учун курашда пешқадамга айланди. Дьёкерешнинг чемпионатда киритган голлари сони 38 тага кетди.

Шу тариқа, 57 балл тўплаган 26 ёшли тўпурар “Олтин бутса” пойгасида “Ливепуль” футболчиси Муҳаммад Салоҳни ортда қолдирди.

Таъкидлаш жоизки, Португалия чемпионатида голларнинг коэффициенти 1,5 тенг. Яъни, битта гол 1,5 га кўпайтирилса, тўпурар жамғарган балл келиб чиқади.

Англия Премьер-лигасига берилган коэффициентга кўра, ҳар бир гол иккига кўпайтирилади. “Ливерпуль” етакчи жорий чемпионатда 28 та тўп киритган ва унинг “Олтин бутса” учун тўплаган балли 56 очкони ташкил қилмоқда.