Муайтай: Камронбек Зарбоббеков жаҳон чемпионати кумуш медал соҳиби!

Маълумки, Таиланднинг Бангкок шаҳрида муайтай бўйича ёшлар ва катталар ўртасида 18-жаҳон чемпионати ташкил этилди.

Мазкур турнирда ўзбекистонлик муайтайчилар ҳам ажойиб натижаларни қайд этишди. Бир қатор олтин медаллар қаторида кумушлар ҳам қўлга киритилди.

Жумладан, катталар ўртасида  57 кг вазнда Камронбек Зарбоббеков иккинчи ўринни эгаллади. Ёқубжон Турсунов шогирди ярим финалида непаллик Гуранажни 3:0 ҳисобида мағлуб этган бўлса, финалида хитойлик Жао Юга 2:1 ҳисобида имкониятни бой берган ҳолда, делегациямиз таркибига кумуш медални тақдим этди.