Моуриньо туфайли “Рома”да қоламан!

“Рома”нинг 23 ёшли универсал ҳужумчиси Николо Дзаньоло Римни тарк этиш фикридан қайтди. Ёзда бу футболчи жамоадан кетишга ҳаракат қилганди. Дастлаб, унга “ювентус” жиддий қизиқиш билдирди. Бироқ Рим клуби туринликлар таклифини қабул қилмади.

Бир неча кун аввал “Тоттенхэм” Дзаньоло трансферини сўраб, “Рома”га мурожаат қилганди. Лекин италиялик ҳужумчи пойтахтда қолишга қарор қилди.

Николо Жозе Моуриньо билан ишлашда давом этиш учун “бўрилар” сафида қолишни маъқул кўргани айтилмоқда.

Италия терма жамоасига номзод бўлган футболчи 2018 йилдан бери римликлар шарафини ҳимоя қилиб келади.  У шу пайтга қадар жами 111 та учрашувда 22 та гол урди.