Моуриньо: "Европа Лигасида чемпионлик учун курашамиз"

"Фенербахче" бош мураббийи Жозе Моуриньо Чемпионлар Лигаси саралашининг жавоб ўйинида "Бенфика"дан учралган мағлубият (0:1; биринчи ўйин - 0:0) ҳақида фикр билдирди.

"Биринчи бўлимда кўпроқ тўпга эгалик қилишга ҳаракат қилдик, аммо танаффусдан кейингина бунга эришдик. Баҳона йўқ жойдан баҳона қидиришни ёқтирмайман. Ғалабага биздан кучлироқ - энг яхши ўйинчилар ва катта тажрибага эга жамоа сазовор бўлди. Агар биз Чемпионлар Лигасига йўл олганимизда, эҳтимол, 8 та ўйин ўтказган бўлардик, Европа Лигасида эса чемпионлик учун курашамиз", - дея Моуриньонинг сўзларини келтиради Португалиянинг Record нашри.

Икки ўйиндан иборат қарама-қаршилик якунига кўра, Туркия жамоаси Европанинг асосий турнирини тарк этади ва Европа Лигаси гуруҳ босқичида иштирок этади.