Morata: "Ular jahon chempionati favoritlari qatorida bo‘lishi mumkin"

Ispaniya terma jamoasi hujumchisi Alvaro Morata jahon chempionati guruh bosqichining 3-turi doirasidagi Germaniyaga qarshi bahsdan keyin o‘z fikrlari bilan o‘rtoqlashdi. 

"Germaniya ajoyib imkoniyatga ega bo‘lgan va undan foydalangan kuchli jamoa. 

Durang haqida gapirganda, Germaniyaning kuchli ekanligini hisobga olish kerak. Bu uchrashuvdan yaxshi hulosa chiqarib, ishlashda davom etishimiz lozim. 

Nemislar yaxshi o‘yin ko‘rsatdi, eng kuchli futbolchilarimizni yopib qo‘ydi. Ular jahon chempionati favoritlari qatorida bo‘lishi mumkin", - dedi Morata.

Ma’lumot uchun, Alvaro nemislarga qarshi ispanlarning yagona golini urishga muvaffaq bo‘ldi.