Милинкович-Савич фаолиятини Саудия Арабистонида давом эттириши мумкин

"Лацио" футболчиси Сергей Милинкович-Савич Саудияга йўл олиши мумкин. Унга "Ал-Ҳилол" жиддий қизиқиш билдирмоқда, дея хабар бермоқда Фабрицио Романо.

Журналистнинг таъкидлашича, римликлар бу трансфердан 40 миллион евро ишлаб олишни режа қилган. Ярим ҳимоячининг ўзи ҳали сўнгги қарорни қабул қилмади. Унга "Ювентус"дан ҳам таклиф тушган.

Аввалроқ, Мессини сотиб ололмаган "Ал-Ҳилол" таркибни кучайтиришга ҳаракат қилмоқда. Клуб Неймар ва Салоҳ каби футболчиларга ҳам қизиқиб кўрди. Аммо Невишдан ташқари катта трансфер амалга ошира олмади.