Messi Busketsni ko‘ndirdi

Aftidan, yarim himoyachi Serxio Buskets "Barselona"da o‘ynashda davom etadi. AS nashri tarqatgan xabarga ko‘ra, tajribali futbolchiga tez orada klub “1+1” ko‘rinishida yangi shartnoma taklifi qilishni rejalashtirmoqda.

Manbaga ko‘ra, Busketsning "ko‘k-anorranglilar" safida o‘ynashni davom ettirishiga Lionel Messi ta’sir qilgan. Qayd etilishicha, Serxio argentinalik futbolchi bilan bo‘lgan kechki ovqatdan so‘ng “Kamp Nou”da qolishga qaror qilgan.

Eslatib o‘tamiz, so‘nggi paytlarda Messi “Barselona”ga qaytishi mumkinligi haqida xabarlar ko‘paymoqda. 35 yoshli hujumchining PSJ bilan amaldagi shartnomasi esa iyun oyi oxirida yakunlanadi va u qadrdon jamoasiga erkin agent sifatida qaytishi mumkin.