Mbappe debyut o‘yinini asosiy tarkibdan boshlaydimi?

“Real Madrid” hujumchisi Kilian Mbappe “Atalanta”ga qarshi bo‘lib o‘tadigan UEFA Superkubogi finalini katta ehtimol zaxira o‘rindig‘idan boshlaydi. “Marca” xabariga ko‘ra, bosh murabbiy Karlo Anchelotti Chempionlar ligasi finalidagi g‘alabada muhim rol o‘ynagan futbolchilarni maydonga tushirmoqchi.

Manbaning ta’kidlashicha, Mbappe "Atalanta"ga qarshi o‘yin uchun tarkibga kiritiladi va Kilian ikkinchi bo‘limda "qirollik klubi" safida debyut qilishi mumkin.

Frantsiyalik hujumchi o‘tgan mavsum PSJ safida 48 ta uchrashuvda 44 ta gol va 10 assist qilgan.