Mbappe burnidan operatsiya qilinadi. U "Evro-2024"da boshqa o‘ynay olmaydimi?

Frantsiya terma jamoasi hujumchisi Kilian Mbappe Avstriyaga qarshi uchrashuv (1:0) tugashi arafasida burnidan jarohat oldi va almashtirildi. 

Ma’lum bo‘lishicha, frantsuzlar etakchisining burni singan va operatsiya qilinadi. Frantsiya terma jamoasining sobiq vrachi Fabris Brianning xabar berishicha, 26 yoshli vinger kamida 10 kun maydonga tusha olmaydi. 

Avstriyaga qarshi bellashuvda Kilianning qanotdan bergan uzatmasi Maksimlian Vyoberning avtogoliga sabab bo‘ldi. Shunday bo‘lsa-da, Mbappe hamon Evropa chempionatlaridagi o‘zining debyut golini ura olmayapti.