Мане қайси футболчининг мухлиси бўлган?

Сенегал терма жамоаси ва "Ливерпуль" клуби ҳужумчиси Садио Мане болалигидаги энг севимли футболчиси ҳақида гапириб берди.

Маненинг айтишича, у Роналдиньога мухлис бўлган.

“Ёшлигимда Роналдиньонинг ўрнида бўлишни тасаввур қилардим. Тўғри, мен ҳали унчалик муваффақиятга эришмадим. Мен уни ҳали ҳам яхши кўраман, у доим менинг кумирим бўлиб қолади”, - деди Мане Goal нашрига берган интервьюсида.

Мане жорий мавсум “Ливерпуль” сафида жами 35 та ўйинда майдонга тушиб, 14 та гол урди.