“Manchester Yunayted” olti o‘yinchidan voz kechdi. Navbatda yana oltitasi!

“Manchester Yunayted” mavsum oxirida shartnomasi yakunlanadigan olti nafar futbolchi bilan xayrlashishga tayyorligini bildirdi. Ular orasida asosiy tarkib yulduzlari ham bor.

Daily Mirror nashrining yozishicha, klub xo‘jayinlari Pol Pogba, Jessi Lingard, Edinson Kavani, Xuan Mata, Taxit Chong va Li Grantga yangi bitim bermaslikka qaror qilgan. Ularning bari 30 iyundan keyin klub qarorgohini tark etishi lozim.

Bundan tashqari, klub yana olti nafar o‘yinchining masalasini hal qilishi kerak. Ular o‘yin amaliyoti etishmayotganidan norozi bo‘layotgan futbolchilar. Ayni paytda ayrimlari ijara asosida boqsha klublarda o‘ynayapti.

Mavsum yakunlanganidan keyin klub Antoni Marsyal, Donni Van de Bek, Din Xenderson, Fil Jons, Aksel Tuanzebe va Erik Bayi bo‘yicha bir qarorga kelishi kerak bo‘ladi. Ularning bari klubni tark etmoqchi.