"Манчестер Юнайтед" Санчонинг нархини белгилаб қўйди

"Манчестер Юнайтед" қишки трансферлар ойнасида ярим ҳимоячи Жейдон Санчони сотишга қарор қилди. Журналист Экрем Қўнғирнинг хабар беришича, манкунианликлар футболчининг трансфери учун товон пули миқдори ҳақида қарор қабул қилишган.

“Қизил иблислар” раҳбарияти футболчини сотишдан 50-60 миллион евро ишлаб олмоқчи. Жейдонга Англия, Германия ва Италия чемпионатлари клублари қизиқиш билдирмоқда.

"Манчестер Юнайтед" Санчони Дортмунднинг "Боруссия"сидан 85 миллион евро эвазига сотиб олганди.

Футболчи яқинда мураббий Эрик тен Хаг билан келишмовчиликлар туфайли асосий таркибдан четлаштирилган эди.