"Manchester Siti" "Sevilya" himoyachisini uchun 50 mln evro to‘laydi
“Manchester Siti” tez orada “Sevilya”ning markaziy himoyachisi Jyul Kundeni tarkibga qo‘shib olishga yaqin turibdi.
AS nashri tarqatgan xabarga ko‘ra, 21 yoshli futbolchining transferi “shaharliklar”ga 50 mln evroga tushadi. Bu summa kelajakdagi bonuslar hisobiga yanada ortishi mumkin.
“Siti”ning “Atletiko” himoyachisi Xose Ximenes bo‘yicha o‘tkazgan muzokaralari muvaffaqiyatsizlikka uchradi va shu sababli ularning bor e’tibori aynan Kundega qaratilgan.
“Sevilya” Kundeni 2019 yilning yozida “Bordo”dan 25 mln evroga sotib olgan edi.
Fikrlar