"Манчестер Сити" футболчиси "Реал"га ўтишни хоҳламоқда

"Манчестер Сити" ҳужумчиси Эрлинг Холанд Мадриднинг "Реал" клубига ўтишни истамоқда. Бу ҳақда журналист Жорж Пикон маълум қилди.

Манба берган маълумотларга кўра, норвегиялик голеадорнинг яқинлари ҳам бу ахборотни тасдиқлаган. Холанднинг шартномасида уни бекор қилиш банди мавжудлиги айтилмоқда, бироқ уни бекор қилиш учун белгиланган сумма номаълум. Форварднинг "қироллик клуби"га ўтиши Винисиуснинг сотилишига ёрдам бериши мумкин. Аммо бразилиялик футболчи жамоада қолган тақдирда ҳам Эрлингнинг трансфери амалга ошиши мумкинлиги таъкидланмоқда. 

25 ёшли футболчининг "Манчестер Сити" билан амалдаги шартномаси 2034 йилгача мўлжаллнган. Айни вақтда унинг "Трансфермаркт" порталида нархи 180 миллион еврога баҳоланмоқда.

Маълумот учун, норвегиялик форвард жорий мавсум "Сити" таркибида жами 12 та учрашувда майдонга тушиб, 15 та гол киритган ва 1 та голли узатмани амалга оширган.