Maftuna Olimpiada yo‘llanmasiga bir qadam qolganda to‘xtadi

Iordaniyada davom etayotgan boks bo‘yicha litsenzion turnirda yurtdoshimiz Maftunaxon Melieva (-69 kg) navbatdagi jangini o‘tkazdi. U chorak finalda hindistonlik Lovlina Borgoain bilan to‘qnash keldi. Mazkur vazn toifasida 4 ta yo‘llanma o‘ynalayotgan bo‘lib, ushbu jang g‘olibasi Tokio litsenziyasini qo‘lga kiritar edi.
Jang teng kurashlar ostida boshlandi. Biroq Hindiston vakilasining bo‘ydagi ustunligi hamyurtimizga noqulayliklar tug‘dirdi. Shunday bo‘lsada, Maftuna yaxshi harakat qildi. Lekin bu etarli bo‘lmadi. Shunday qilib, Melieva yakunda imkoniyatni boy berib qo‘ydi va o‘z ishtirokini Olimpiada yo‘llanmasiga bir qadam qolganda to‘xtatdi.