Левандовскининг Манчестерга трансфери блокланди

“Барселона”нинг 37 ёшли тўпурари Роберт Левандовски жорий мавсум якунланиши билан Каталонияни тарк этиши айтилмоқда. Клуб унинг ёшини ва самарадорлиги пасайиб бораётганини инобатга олиб, янги шартнома таклиф қилмайдиган бўлган.

Левандовскининг ўзи янги жамоа танлашга киришган. Моҳир тўпурарга Европанинг гранд клубларидан ҳам, АҚШ ва Саудия Арабистони вакилларидан ҳам чорлов бўляпти.

Сўнгги маълумотларда “Манчестер Юнайтед” мутасаддилари польшалик форвардни ҳамкорликка қўндиргани, бош мураббий Рубен Аморим асосий тўпурар ролида Левандовскидан фойдаланишни режа қилаётгани айтилган эди.

Mirror нашрининг ёзишича, клуб хўжайинларидан Жим Рэтклифф Роберт Левандовски трансферига таъқиқ қўйди. Рэтклифф фаолиятининг охирги босқичини ўтаётган ўйинчини жамоага келишидан манфаатдор эмас ва шу боис Рубен Аморим талаб қилган бу трансферни амалга оширмайди.