Ла Лига. "Реал" яна бир бор "Барселона"ни таслим қилди

Испания Ла Лигасининг 30-турида “Реал” ўз майдонида “Барселона”ни қабул қилди.

Мадридда кечган бу сафарги “эль-класико” 2:1 ҳисобида “қироллик клуби”нинг ғалабаси билан якунланди. Шу куни “Реал” сафида Карим Бензема (13') ва Тони Кроос (28') ўз ҳисобига гол ёздириб қўйган бўлса, “Барса”нинг жавоб голига Оскар Мингеса (60') муаллифлик қилди.

Ушбу ғалабадан сўнг Зинедин Зидан жамоаси ҳисобидаги очколар сони 66 тага етди. “Реал” шу тариқа Ла Лигада пешқадамга айланиб олди. Кучли учликдан эса “Атлетико” (66) ва “Барселона” (65) жой олган.

“Реал” чемпионат доирасидаги навбатдаги ўйинни 18 апрель куни сафарда “Хетафе”га қарши ўтказади. “Барселона” эса сафарда “Атлетик” меҳмони бўлади.