Кутилмаган футболчи “Барса”да Мессининг ўрнига етакчиликни қўлга олди

Лионель Месси “Барселона”ни тарк этганидан кейин қайси футболчи етакчиликни ўз зиммасига олиши кўпчиликни қизиқтираётган эди.

Рональд Куман жамоадан кетказмоқчи бўлган Мартин Брэйтуэйт кутилмаганда етакчилик қобилиятини намойиш қила бошлади. У “Реал Сосьедад”га қарши ўтказилган биринчи тур учрашувида иккита гол ва битта голли пас билан жамоасининг 4:2 ҳисобдаги ғалабасини таъминлади.

- Брэйтуэйт қолган ўйинчиларга ўрнак бўлди. У ҳақиқий профессионал. Мартин ўз ўйинини кучайтириш учун тинимсиз меҳнат қилмоқда. У катта ўсишга эришяпти. “Реал Сосьедад”га қарши баҳсда у жуда кўп вазиятларни яратди ва рақиб ҳимоясини асабийлашишга мажбур қилди, - деди бош мураббий Рональд Куман.