Klopp “Liverpul”da zo‘r himoyachi paydo bo‘lganini oshkor qildi

“Liverpul” bosh murabbiyi Yurgen Klopp jamoaning jarohatlangan markaziy himoyachilari Virjil van Deyk, Joel Matip va Fabinoning o‘rnini bosa oladigan zo‘r futbolchilar bor ekanini ta’kidladi.

- Ris Uilyams zo‘r o‘ynayapti. U juda iste’dodli futbolchi sifatida Angliya yoshlar terma jamoasida ham muhim ahamiyatga ega.19 yoshli himoyachi Chempionlar ligasida ikkita uchrashuvda g‘alaba qozonishimizga ham munosib hissa qo‘shdi.

Risdan tashqari yana ikkita yosh futbolchimiz bor. Net Filipps va Billi Kumetio ham o‘zini ko‘rsatishga tayyor. Billi asosiy tarkib mashg‘ulotlariga qo‘shildi.  Biz yosh va tajribasiz futbolchilarga imkon beramiz. Vaziyat shuni taqozo etmoqda, - dedi Yurgen Klopp.