Kavani qaerga borishni hal qildi

“Manchester Yunayted” bilan xayrlashgan urugvaylik to‘purari Edinson Kavani yozgi transferlar vaqtida turli mamlakat jamoalaridan taklif oldi.

So‘nggi pallada Dortmundning “Borussiya”si 35 yoshli hujumchini o‘z safiga qo‘shib olishga harakat qildi.

Biroq, Kavani faoliyatini Ispaniya chempionatida davom ettirish bo‘yicha yakuniy qarorga kelganini ma’lum qilib, dortmundliklarga rad javobini berdi.

Ayni paytda Edinson oldida ikkita variant turibdi. U “Vilyarreal” va “Valensiya”dan birini tanlashi qoldi xolos.

O‘z davrida Urugvay, Italiya, Frantsiya va Angliya chempionatlarida to‘p tepgan hujumchi klublar miqyosida jami 615 ta uchrashuvda qatnashib, 360 ta gol va 72 ta assist muallifi bo‘lgan.