Каталония клубига янги бош мураббий тайинланди

Каталониянинг "Эспаньол" клуби ўзининг расмий сайтида Абелардо Фернандес жамоа бош мураббийи этиб тайинланганини эълон қилди.

Юқоридаги манбаага кўра каталонияликлар 49 ёшли мутахассис билан жорий мавсум якунига қадар шартнома имзолаган.

Маълумот учун, Абелардо бундан аввал "Алавес" ва Хихоннинг "Спортинг" клубларини бошқарган.

Эслатиб ўтамиз, “Эспаньол” ўтган 18 та тур якунларига кўра Ла Лига мусобақа жадвалида сўнгги 20-ўринни эгаллаб турибди.