Карло Анчелотти: "Биз барибир "Барселона"ни Лигада мағлуб қилганмиз"

Испания суперкубогининг финалида "Барселона" "Реал" Мадридни мағлуб қилиб, чемпионга айланди.

Ўйиндан кейин Мадрид клуби бош мураббийи Карло Анчелотти ўз фикрлари билан ўртоқлашди.

"Биз бугун ҳар томонлама ёмон ўйнадик. Кўп хатоларга йўл қўйдик ва дуэлларда ютқаздик. Футболчилар хафа. Сабаби, улар ғалабага ўрганиб қолган. Биз ҳали қайтамиз. Мен бунга ишонаман, "Реал" доимо қайта олган", - деди италиялик мутахассис.

"Бугунги ўйин жахлимни чиқармайди. Биз барибир "Барса"ни Лигада мағлуб қилганмиз", - дея қўшимча қилди Карло Анчелотти.