Karate WKF bo‘yicha jahon chempionatida o‘zbekistonlik sportchi tarixiy oltin medalni qo‘lga kiritdi (Video)

Dubay shahrida davom etayotgan karate WKF bo‘yicha kattalar o‘rtasidagi jahon chempionatining hal qiluvchi onlari etib keldi.
Quvonarlisi, -75 kg vazn toifasidagi vakilimiz Doston Otabolaev final jangida misrlik raqibini taslim etib, O‘zbekiston karate WKF olamidagi tarixiy oltin medalni qo‘lga kiritdi va jahon chempioni degan nomga sazovor bo‘ldi.
Ertaga, jamoaviy kumite bahslarida vakillarimiz Ozarbayjon terma jamoasi bilan bronza medali uchun tatamiga chiqishadi.